20 سال پرانا آم کا بیگ، سونے اور ہیروں سے تیار کردہ ایشا امبانی کی ساڑھی میٹ گالا میں توجہ کا مرکز

امریکی شہر نیویارک میں ہونے والے میٹ گالا میں ایشا امبانی نے بھارتی آرٹ اور کلچر کی نمائندگی کرتے ہوئے ڈیزائنر گورو گپتا کی تیار کردہ ساڑھی زیب تن کی، جسے ‘سودیش’ کے ماہر کاریگروں نے تیار کیا تھا۔ اس لباس کی خاص بات اس میں جڑے 1800 ہیرے، قیمتی پتھر اور سونے کی تاروں کا کام تھا، جبکہ ساڑھی کا بلاؤز ان کی والدہ کی جیولری سے تیار کیا گیا تھا۔ ایشا امبانی کے مطابق انہوں نے اس موقع پر پہنے گئے تمام زیورات بھی اپنی والدہ ہی کے استعمال کیے۔