براڈ پیک حادثہ: جاں بحق ہونے والے پانچ غیرملکی کوہ پیماؤں کی میتیں سکردو پہنچا دی گئیں

براڈ پیک پر پیش آنے والے افسوسناک برفانی تودے کے حادثے میں جاں بحق ہونے والے پانچ غیر ملکی کوہ پیماؤں کی میتیں آرمی ایوی ایشن کے ہیلی کاپٹروں کے ذریعے بحفاظت سکردو منتقل کر دی گئی ہیں۔

ریسکیو حکام کے مطابق آرمی ایوی ایشن نے کے ٹو اور براڈ پیک کے انتہائی دشوار گزار و بلنـد ترین علاقے میں کامیابی کے ساتھ امدادی آپریشن مکمل کرتے ہوئے جاں بحق ہونے والے کوہ پیماؤں کی میتوں کو سکردو ایئر بیس پہنچایا، جہاں سے انہیں ضابطے کی کارروائی کے بعد متعلقہ سفارت خانوں کے سپرد کیا جائے گا۔

واضح رہے کہ کچھ روز قبل براڈ پیک پر کوہ پیمائی مہم کے دوران اچانک بڑا برفانی تودہ گرنے سے ایک پاکستانی سمیت 10 کوہ پیما لاپتہ ہو گئے تھے۔ واقعہ سامنے آتے ہی پاک فوج اور آرمی ایوی ایشن کے تحت ریسکیو اینڈ سرچ آپریشن شروع کیا گیا تھا تاکہ برف تلے دبے افراد کی تلاش کو ممکن بنایا جا سکے۔