سجل علی کے فوٹو شوٹ نے مداحوں کی توجہ حاصل کرلی

پاکستان شوبز انڈسٹری کی معروف اور مقبول اداکارہ سجل علی کے نئے اور منفرد فوٹو شوٹ کی تصاویر سوشل میڈیا پر تیزی سے وائرل ہو رہی ہیں۔ فوٹو اور ویڈیو شیئرنگ ایپ انسٹاگرام پر سجل علی نے اپنے ڈارک تھیم پر مبنی جدید فوٹو شوٹ کی دلکش تصاویر شیئر کیں، جسے دیکھ کر مداح انہیں مشہور نیٹ فلکس سیریز “ویڈنزڈے” (Wednesday) کے کردار “مورٹیشیا ایڈمز” سے مشابہ قرار دے رہے ہیں۔

وائرل تصاویر میں اداکارہ کو بلیک اور ڈارک گیٹ اپ، لمبی زلفوں اور آنکھوں کے نیچے بولڈ کاجل کے ساتھ بالکل ایک الگ انداز میں دیکھا جا سکتا ہے۔ سجل علی کی ان تصاویر کو چند ہی گھنٹوں میں ہزاروں مداح دیکھ چکے ہیں اور تبصروں کے ذریعے ان کے اس منفرد اور ڈرامائی لُک پر ملے جلے ردعمل کا اظہار کر رہے ہیں۔