پنجاب کے تمام تعلیمی بورڈز نے میٹرک 2026 کے نتائج کا اعلان کر دیا

پنجاب کے تمام 9 تعلیمی بورڈز برائے انٹرمیڈیٹ اینڈ سیکنڈری ایجوکیشن (BISEs) — لاہور، راولپنڈی، ملتان، بہاولپور، ڈیرہ غازی خان، فیصل آباد، گوجرانوالہ، ساہیوال اور سرگودھا — نے میٹرک (ایس ایس سی پارٹ ٹو) کے سالانہ امتحانات 2026 کے نتائج کا بیک وقت اعلان کر دیا ہے۔ جاری کردہ نتائج کے مطابق تمام بورڈز میں طالبات کا کامیابی کا تناسب طلبہ کے مقابلے میں نمایاں رہا۔ لاہور بورڈ میں 2 لاکھ 82 ہزار سے زائد طلبہ میں سے 1 لاکھ 82 ہزار سے زائد کامیاب رہے جبکہ کامیابی کی شرح 64 فیصد سے زائد رہی۔ اس موقع پر لاہور بورڈ نے طلباء کی ڈیجیٹل سہولت کاری اور نتائج تک آسان رسائی کے لیے BISE Lahore AI Chatbot نامی مصنوعی ذہانت پر مبنی جدید ڈیجیٹل پورٹل بھی متعارف کرایا ہے۔

بورڈ حکام کے مطابق تمام نتائج ویب سائٹس اور ایس ایم ایس (SMS) سروس کے ذریعے آن لائن دستیاب کر دیے گئے ہیں۔