روسی خلائی جہاز

روسی خلائی ادارے “روس کاسموس” کا انسان بردار خلائی جہاز “سویوز ایم ایس-29” کامیابی کے ساتھ زمین کے مدار میں داخل ہو گیا ہے، جس کا بین الاقوامی خلائی اسٹیشن (ISS) کے ساتھ الحاق (ڈاکنگ) پاکستانی وقت کے مطابق آج رات 10 بج کر 56 منٹ پر متوقع ہے۔ روس کاسموس کے مطابق، 75ویں طویل المدتی خلائی مشن کا یہ عملہ تیز رفتار ٹو آربٹ پرواز کے ذریعے محض تین گھنٹوں میں خلائی اسٹیشن پہنچے گا، جہاں ہوا بند دروازے (ہیچز) کھلنے کے بعد روسی خلا باز پیوتر دوبروف اور آنا کیکینا کے ہمراہ ناسا کے خلا باز انیل مینن اسٹیشن میں داخل ہوں گے۔ یہ عملہ خلا میں مجموعی طور پر 261 روز قیام کرے گا اور اس دوران 38 اہم سائنسی تجربات انجام دے گا، جن میں “گازوآنالیزاتور-ایف ایس”، “ٹیلی ڈروئیڈ” اور “سولنتسے-ٹیرا ہرٹز” جیسے اہم سائنسی و تحقیقی منصوبے شامل ہیں۔ ان تجربات کا بنیادی مقصد خلائی ٹیکنالوجی کو جدید بنانا اور مستقبل کے انسان بردار خلائی مشنز کے لیے نئی سائنسی معلومات حاصل کرنا ہے۔