سپاٹیفائی کا پریمیم صارفین کیلئے اے آئی پر مبنی نیا چیٹ فیچر متعارف

موسیقی کی دنیا کی مقبول ترین اسٹریمنگ ایپلی کیشن “اسپاٹی فائی” نے اپنے پریمیم صارفین کے لیے مصنوعی ذہانت (AI) پر مبنی ایک انتہائی جدید چیٹ فیچر متعارف کرا دیا ہے، جس کے ذریعے اب صارفین روایتی سرچ بار کے بجائے ایپ کے ساتھ باقاعدہ دو طرفہ گفتگو کر کے اپنی پسندیدہ موسیقی، آڈیو بکس اور پوڈ کاسٹس تلاش کر سکیں گے۔ اسپاٹی فائی کے مطابق، یہ نیا فیچر کمپنی کی اپنی ٹیکنالوجی اور دیگر شراکت دار اداروں کے لارج لینگویج ماڈلز (LLMs) کے اشتراک سے تیار کیا گیا ہے، جس میں صارفین لکھ کر یا بول کر گانے تجویز کرنے، پلے لسٹس کو فلٹر کرنے، نئے فنکاروں سے متعارف ہونے یا کسی مخصوص البم کی تاریخِ اجراء معلوم کرنے کی درخواست کر سکتے ہیں۔ دلچسپ بات یہ ہے کہ صارفین اس چیٹ بوٹ سے اپنی سننے کی عادات کے بارے میں بھی سوالات پوچھ سکیں گے، جیسے کہ انہوں نے کوئی گانا پہلی بار کب سنا تھا۔ فی الحال یہ جدید فیچر آزمائشی مرحلے میں امریکا، آئرلینڈ اور سویڈن کے ۱۸ سال یا اس سے زائد عمر کے پریمیم صارفین کے لیے پیش کیا گیا ہے، جسے جلد دیگر ممالک تک توسیع دی جائے گی۔