ماہرینِ فلکیات نے 11 سال پرانی تصاویر میں چھپا نیا سیارہ دریافت کر لیا

ماہرینِ فلکیات نے ہمارے نظامِ شمسی سے باہر ایک نیا ایکسوپلینیٹ (سیارہ) دریافت کیا ہے، جسے اب تک براہِ راست تصویر بندی (Direct Imaging) کے ذریعے دیکھا جانے والا سب سے مدھم ترین سیارہ قرار دیا جا رہا ہے۔ زمین سے تقریباً 63 نوری سال کے فاصلے پر واقع یہ سیارہ مشتری اور زحل کی طرح ایک دیو ہیکل گیسی کرہ ہے، جسے “بیٹا پکٹورس ڈی” کا نام دیا گیا ہے۔ حیران کن طور پر یہ سیارہ گزشتہ 11 سالوں سے رصدگاہوں کے ریکارڈ میں موجود تھا مگر ستارے کی شدید روشنی اور اپنے انتہائی مدھم ہونے کے باعث نظروں سے اوجھل رہا۔ یونیورسٹی آف ایڈنبرا اور آکسفورڈ کے سائنس دانوں پر مشتمل ٹیم جب پہلے سے معلوم سیارے کا مشاہدہ کر رہی تھی تو اس دوران اس نئے سیارے کی نشاندہی ہوئی۔ اس دریافت کی تصدیق یورپی جنوبی رصدگاہ کے پرانے محفوظ شدہ ڈیٹا اور جیمز ویب خلائی دوربین (JWST) کے مشاہدات سے بھی ہوئی ہے۔ تحقیقی جریدے “دی ایسٹرو فزیکل جرنل لیٹرز” میں شائع ہونے والی اس تحقیق کے مطابق، نیا سیارہ اپنے نظامِ شمسی کے دیگر دو سیاروں (بیٹا پکٹورس بی اور سی) کے مقابلے میں مرکزی ستارے سے کہیں زیادہ فاصلے پر گردش کر رہا ہے۔