پاکستان میں پانی کی دستیابی میں کمی اور پولیو کے حالات پر بریفنگ

اسلام آباد: وزارت آبِی وسائل نے قومی اسمبلی کو بتایا کہ بھارت نے اپریل 2025 سے سندھ طاس معاہدہ معطل کر رکھا ہے، جس کے نتیجے میں دریائے چناب اور خانکی ہیڈورکس سے نکلنے والی کنالوں کے تحت تقریباً 46.4 لاکھ ایکڑ زرعی اراضی متاثر ہوگی۔

وزارت نے آگاہ کیا کہ اس وقت فی کس سالانہ پانی کی دستیابی 819 مکعب میٹر ہے، جو 1951 میں 5 ہزار مکعب میٹر سے زیادہ تھی۔ پیش گوئی کے مطابق 2030 تک یہ مقدار کم ہو کر 744 مکعب میٹر فی کس رہ جائے گی، جس سے سماجی اور معاشی چیلنجز پیدا ہوسکتے ہیں۔

وزارت صحت نے بتایا کہ 2025 میں پاکستان میں پولیو کے 30 کیسز رپورٹ ہوئے، لیکن ستمبر کے بعد کسی نئے کیس کی رپورٹ نہیں ہوئی۔ گزشتہ چند ماہ میں پنجاب، بلوچستان، گلگت بلتستان، اسلام آباد، سندھ اور خیبر پختون خواہ سے کوئی پولیو کیس رپورٹ نہیں ہوا۔ وزارت نے کہا کہ پولیو وائرس کی منتقلی میں تیزی سے کمی آ رہی ہے اور حکومت 2026 میں پولیو وائرس کی مکمل منتقلی روکنے کے ہدف کے حصول کے لیے پوری مشینری کے ساتھ کام کر رہی ہے۔