حکومت اور پی ٹی آئی میں مذاکرات کا اگلا دور آج ہوگا، حتمی فیصلے متوقع

حکومت اور پاکستان تحریک انصاف کے درمیان مذاکرات کا اگلا اور فیصلہ کن دور آج دوپہر کو پارلیمنٹ ہاؤس میں منعقد ہوگا جس میں اہم امور پر حتمی فیصلوں کا امکان ہے۔ ذرائع کے مطابق گزشتہ روز پہلے دور میں ماحول کئی بار کشیدہ ہونے کے باوجود فریقین میں بات چیت جاری رہی، جہاں حکومتی ٹیم نے واضح کیا ہے کہ اسلام آباد پر کسی صورت چڑھائی کی اجازت نہیں دی جائے گی اور احتجاج و انتشار سے کوئی رعایت نہیں ملے گی۔ حکومت نے باضابطہ طور پر پی ٹی آئی سے لانگ مارچ ملتوی یا منسوخ کرنے کا مطالبہ کیا ہے جبکہ عدالتی فیصلے پر من و عن عمل درآمد کی یقین دہانی بھی کرائی گئی ہے۔ ذرائع کا کہنا ہے کہ اگر اپوزیشن کی جانب سے ہٹ دھرمی برقرار رہی تو آئین کے آرٹیکل 232 اور 234 کو بھی بروئے کار لایا جا سکتا ہے۔