پاکستانی شہریوں کے قتل پر بھارتی ناظم الامور کی دفتر خارجہ طلبی، باضابطہ احتجاج

ترجمان دفتر خارجہ کے مطابق بھارتی فورسز کی جانب سے 2 اکتوبر کو دو پاکستانی شہریوں کو شہید کیے جانے کے واقعے پر بھارتی ناظم الامور کو دفتر خارجہ طلب کر کے شدید احتجاج ریکارڈ کرایا گیا ہے۔ ترجمان نے واضح کیا کہ نہتے شہریوں کی جان لینا ہرگز قابلِ قبول نہیں ہے اور یہ واقعہ بین الاقوامی قوانین اور بنیادی انسانی حقوق کی سنگین خلاف ورزی ہے۔ حکومتِ پاکستان نے مطالبہ کیا ہے کہ بھارتی حکومت اس واقعہ کی فوری تحقیقات کر کے حقائق سے آگاہ کرے اور ذمے داروں کے خلاف کارروائی کی جائے۔