لانگ مارچ سے کبھی کوئی فائدہ ہوا اور نہ آئندہ ہوگا، مصطفی کمال

وفاقی وزیر مصطفٰی کمال نے میڈیا سے گفتگو کرتے ہوئے کہا ہے کہ ملک اس وقت کسی قسم کے لانگ مارچ کا متحمل نہیں ہو سکتا کیونکہ ماضی میں بھی اس طرح کے اقدامات سے کبھی کوئی فائدہ یا مطلوبہ اہداف حاصل نہیں ہوئے۔ ان کا کہنا تھا کہ مسائل کا حل لانگ مارچ یا دھرنوں میں نہیں بلکہ باہمی مشاورت اور مل بیٹھ کر بات چیت کرنے میں ہے۔ پیٹرولیم مصنوعات کی قیمتوں کے حوالے سے گفتگو کرتے ہوئے انہوں نے واضح کیا کہ محض حکومت کی تبدیلی سے پیٹرولیم مصنوعات سستی نہیں ہو سکتیں۔ اس کے علاوہ پاک بھارت تعلقات پر بات کرتے ہوئے مصطفٰی کمال کا کہنا تھا کہ مئی کی جنگ ختم نہیں ہوئی بلکہ آج زیادہ خطرناک انداز میں جاری ہے، جہاں ہمارے جوان روزانہ جامِ شہادت نوش کر رہے ہیں، اور بھارت جنگ ہارنے کے بعد اب بزدلانہ پراکسی جنگ لڑ رہا ہے۔