امارات نے اسرائیل جانے والی پرواز کی ہنگامی لینڈنگ کو دہشتگردی قرار دیدیا

متحدہ عرب امارات نے دبئی سے اسرائیل جانے والی فلائی دبئی کی پرواز کی سعودی عرب میں پیش آنے والی ہنگامی لینڈنگ کے واقعے کو باضابطہ طور پر دہشت گردی قرار دے دیا ہے۔ متحدہ عرب امارات کے پراسیکیوٹر جنرل کے مطابق پرواز کے معاون پائلٹ (جن کی شناخت عمانی شہری ہمام الحمامی کے طور پر ہوئی ہے) نے کاک پٹ میں پائلٹ پر کلہاڑی سے حملہ کیا اور طیارے کا کنٹرول سنبھالنے کی کوشش کی۔ تحقیقات سے انکشاف ہوا ہے کہ ملزم نے اس دہشت گردی کا منصوبہ پہلے سے بنا رکھا تھا جبکہ واقعہ کے محرکات، ممکنہ روابط اور ڈیجیٹل شواہد کا بغور جائزہ لیا جا رہا ہے۔ دوسری جانب ائیرلائن کے ترجمان کا کہنا ہے کہ جاری تحقیقات کے باعث اس وقت مزید تبصرہ نہیں کیا جا سکتا۔