خیبر پختونخوا حکومت نے لانگ مارچ کے ذریعے بدامنی کا منصوبہ بنا لیا: خواجہ آصف

وفیر دفاع خواجہ آصف نے سماجی رابطے کی ویب سائٹ ایکس پر سخت ردعمل کا اظہار کرتے ہوئے کہا ہے کہ خیبرپختونخوا کی صوبائی حکومت نے آنے والے لانگ مارچ کی آڑ میں صوبے اور وفاقی دارالحکومت میں بدامنی پھیلانے کا منصوبہ تیار کر لیا ہے۔ انہوں نے الزام عائد کیا کہ اس لانگ مارچ میں کالعدم ٹی ٹی پی کے عناصر سے تعاون کی منصوبہ بندی کی جا رہی ہے اور جولائی 2024 کے بنوں واقعے کی طرز پر سکیورٹی تنصیبات کو نشانہ بنانے کی سازش رچی جا رہی ہے۔ وزیر دفاع نے واضح وارننگ دی ہے کہ سیاسی جدوجہد کے پردے میں مسلح بغاوت کو ملک کی سالمیت پر حملہ سمجھا جائے گا اور 9 مئی جیسی کسی بھی پرتشدد کارروائی کی کوشش کو پوری سختی سے روکا جائے گا جبکہ ریاست کے دفاع کے لیے تمام دستیاب وسائل بروئے کار لائے جائیں گے۔