پاکستان اسٹاک ایکسچینج میں تیزی کا تسلسل: 100 انڈیکس 465 پوائنٹس اضافے کے ساتھ 1 لاکھ 51 ہزار کی سطح عبور کر گیا

پاکستان اسٹاک ایکسچینج میں کاروباری ہفتے کے دوران مثبت رجحان برقرار رہا، جہاں 100 انڈیکس 465 پوائنٹس کے اضافے کے بعد 1 لاکھ 51 ہزار 673 کی سطح پر بند ہوا۔ دن بھر ٹریڈنگ کے دوران مارکیٹ میں زبردست تیزی دیکھی گئی اور انڈیکس ایک موقع پر 1 لاکھ 52 ہزار 013 کی بلند ترین سطح کو بھی چھو گیا، جبکہ کم ترین سطح 1 لاکھ 49 ہزار 129 پوائنٹس ریکارڈ کی گئی۔ سرمایہ کاروں کی بھرپور دلچسپی کے باعث مارکیٹ میں 20 ارب 42 کروڑ روپے مالیت کے 35 کروڑ 73 لاکھ شیئرز کے سودے ہوئے۔ مجموعی طور پر 565 کمپنیوں کے حصص کا کاروبار ہوا، جن میں سے 223 کمپنیوں کی قیمتوں میں اضافہ، 188 میں کمی جبکہ بقیہ کمپنیوں کے دام مستحکم رہے۔ معاشی ماہرین اس تیزی کو سرمایہ کاروں کے بڑھتے ہوئے اعتماد اور معاشی استحکام کی علامت قرار دے رہے ہیں۔