مفتی تقی عثمانی کا بڑا فیصلہ؛ بٹ کوائن اور یو ایس ڈی ٹی سمیت تمام کرپٹو کرنسیز شریعت کی رو سے ‘حرام’ قرار،

پاکستان کے ممتاز ترین مذہبی اسکالر اور دارالعلوم کراچی کے صدر مفتی محمد تقی عثمانی نے اسلامی شریعت کی روشنی میں کرپٹو کرنسی کی خرید و فروخت کو حرام قرار دے دیا ہے۔ جون 2026 میں جاری کیے گئے اس تفصیلی فتوے کو دارالعلوم کراچی کے جید علماء کی جانب سے آن لائن شیئر کیا گیا ہے، جس میں واضح کیا گیا ہے کہ ورچوئل کرنسی، کرپٹو ٹوکنز اور اسٹیبل کوائنز (جیسے یو ایس ڈی ٹی، بٹ کوائن اور ایتھیریم) سب پر ایک ہی شرعی حکم لاگو ہوتا ہے۔ فتوے کے مطابق، یہ ڈیجیٹل اثاثے اسلامی شریعت کی رو سے “مال” یا “جائیداد” کی قانونی تعریف پر پورا نہیں اترتے، اس لیے محض نام تبدیل کرنے یا اسے نیا عنوان دینے سے ان کی شرعی حیثیت تبدیل نہیں ہو سکتی اور ان کی تجارت قطعی طور پر ناجائز ہے۔ اگرچہ یہ فتویٰ ایک شرعی رائے ہے اور ریاست کی طرف سے نافذ کردہ کوئی قانون نہیں، تاہم پاکستان میں کرپٹو مارکیٹ اور سرمایہ کاروں پر اس کے گہرے اور نمایاں اثرات مرتب ہونے کا امکان ہے۔