LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

بھارت سندھ طاس معاہدہ بحال کرے، پانی کو بطور ہتھیار بنانا قوانین کی خلاف ورزی ہے: اسحاق ڈار

Web Desk

9 July 2026

اسلام آباد: نائب وزیراعظم اور وزیر خارجہ سینیٹر محمد اسحاق ڈار نے بھارت پر زور دیا ہے کہ وہ سندھ طاس معاہدے کی یکطرفہ معطلی کا اعلان واپس لیتے ہوئے اسے فوری طور پر بحال کرے۔ انہوں نے واضح کیا کہ پانی کو سیاسی و عسکری مقاصد کے لیے بطور ہتھیار استعمال کرنا بین الاقوامی قوانین اور معاہدوں کی صریح خلاف ورزی ہے۔

یہ بات انہوں نے دورۂ پاکستان پر آئے ہوئے جمہوریہ کروشیا کے وزیر خارجہ کے ہمراہ اسلام آباد میں ایک مشترکہ اور انتہائی اہم پریس کانفرنس سے خطاب کرتے ہوئے کہی۔ اسحاق ڈار نے کروشین وزیر خارجہ اور ان کے وفد کا شکریہ ادا کرتے ہوئے کہا کہ طویل عرصے بعد کروشیا کی جانب سے یہ اعلیٰ سطح کا دورہ دونوں ممالک کے تعلقات میں ایک نئے باب کا آغاز اور اہم سنگ میل ثابت ہو گا۔پریس کانفرنس کے دوران نائب وزیراعظم نے علاقائی سیکیورٹی اور خارجہ امور پر پاکستان کا اصولی موقف پیش کیاکشمیر اقوام متحدہ کے ایجنڈے پر موجود ایک دیرینہ اور حل طلب تنازع ہے، جس کے حل کے بغیر خطے میں پائیدار امن ممکن نہیں۔ افغانستان میں موجود دہشت گرد تنظیمیں پاکستان کی سلامتی کے لیے مسلسل خطرہ ہیں۔ افغان سرزمین کسی بھی ملک، خصوصاً پاکستان کے خلاف استعمال نہیں ہونی چاہیے، اور عالمی برادری کو دہشت گردی کے خلاف مشترکہ کوششیں تیز کرنا ہوں گی۔ حالیہ ایران اسرائیل کشیدگی میں کمی لانے اور مذاکرات کو فروغ دینے کے لیے پاکستان نے کلیدی سفارتی کردار ادا کیا ہے۔

اسحاق ڈار نے بتایا کہ دونوں ممالک کے مابین سیاسی، اقتصادی، دفاعی اور تجارتی تعلقات کو نئی جہت دینے اور دہرے ٹیکس سے بچاؤ کے معاہدے پر پیشرفت کا فیصلہ کیا گیا ہے پاکستانیوں کی سہولت کے لیے اسلام آباد میں ہی کروشین ویزا پراسیسنگ سینٹر کے قیام کے لیے کوششیں جاری ہیں تاکہ شہریوں کو تیسرے ملک جانے کی زحمت سے نجات ملے۔یورپی یونین کو پاکستان کا اہم تجارتی پارٹنر قرار دیتے ہوئے انہوں نے بتایا کہ پاکستان سال 2027ء میں جی ایس پی پلس اسکیم کے لیے دوبارہ درخواست دینے کی بھرپور تیاری کر رہا ہے۔ کراچی بندرگاہ اور کروشیا کی بندرگاہوں کے درمیان تعاون اور اقتصادی انضمام پر بھی غور کیا گیا۔

پریس کانفرنس سے خطاب کرتے ہوئے کروشیا کے وزیر خارجہ نے شاندار مہمان نوازی پر پاکستان کا شکریہ ادا کیا اور اسلام آباد کو ایک انتہائی خوبصورت اور پرامن شہر قرار دیا۔ “پاکستان اور کروشیا کے تعلقات باہمی احترام اور اعتماد پر قائم ہیں۔ کروشیا یورپی مارکیٹ تک رسائی کے لیے ایک اہم جغرافیائی حیثیت رکھتا ہے۔ ہم ٹیکنالوجی، صحت، سیاحت اور سروسز کے شعبوں میں پاکستان کے ساتھ تعاون کے نئے مواقع تلاش کر رہے ہیں۔”

انہوں نے مزید یقین دہانی کرائی کہ پاکستانی شہریوں کے لیے ویزا درخواست کے عمل کو آسان بنانے کے لیے عملی اقدامات کیے جا رہے ہیں۔ انہوں نے اقوامِ متحدہ کی سلامتی کونسل اور مختلف جنگی حالات کے دوران پاکستان کے تعمیری و مثبت سفارتی کردار کو زبردست الفاظ میں سراہا اور عزم ظاہر کیا کہ کروشیا عالمی امن مشنز میں اپنا فعال کردار جاری رکھے گا۔