سبزیوں سے بھرپور غذا پروسٹیٹ کینسر سے بچاؤ میں مدد دے سکتی ہے: تحقیق

ایک نئی سائنسی تحقیق میں محققین نے پیٹ اور پروسٹیٹ کے درمیان تعلق کا جائزہ لیتے ہوئے یہ جاننے کی کوشش کی کہ آیا فائٹوکیمیکل سے بھرپور غذائیں، جیسے پتوں والی سبزیاں اور بیریز، اور لیکٹوبیکائلس پروبائیوٹکس (پیٹ کے مفید بیکٹیریا) کی مقدار میں اضافہ پروسٹیٹ کینسر پر اثر انداز ہو سکتا ہے یا نہیں۔

مطالعے کے نتائج کے مطابق 90 فیصد سے زائد ایسے مرد جنہوں نے مخصوص سپلیمنٹس کا استعمال کیا—جن میں بروکلی، ہلدی، انار، سبز چائے، ادرک، کرین بیری اور خاص طور پر تیار کردہ پروبائیوٹک شامل تھے—ان میں بیماری یا تو کم ہو گئی یا اس کی بڑھوتری رک گئی۔

تحقیق کے مرکزی مصنف پروفیسر رابرٹ تھامس نے بتایا کہ یہ پہلی بار ثابت ہوا ہے کہ پیٹ میں موجود بیکٹیریا کا متوازن نظام پروسٹیٹ کینسر کے بڑھنے کی رفتار کو سست کر سکتا ہے۔ ان کے مطابق یہ دریافت مستقبل میں پروسٹیٹ کینسر کے علاج اور روک تھام کے لیے غذائی حکمتِ عملیوں کی بنیاد فراہم کر سکتی ہے۔