LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

نیتن یاہو ایران پر مزید حملوں کے لیے سرگرم، ٹرمپ کی ترجیحات نظر انداز

Web Desk

27 December 2025

اسرائیلی وزیراعظم بن یامین نیتن یاہو اتوار کو امریکہ کے دورے پر روانہ ہوں گے جہاں ان کی ملاقات امریکی صدر ڈونلڈ ٹرمپ سے متوقع ہے۔ اس ملاقات میں نیتن یاہو ایران کے خلاف مزید فوجی اقدامات پر زور دینے کا ارادہ رکھتے ہیں۔

الجزیرہ کی رپورٹ کے مطابق صدر ڈونلڈ ٹرمپ نے رواں برس جون میں ایران کے جوہری پروگرام کو سنگین خطرہ قرار دیتے ہوئے ایرانی جوہری تنصیبات پر بمباری کی تھی، تاہم اس کے باوجود اسرائیلی وزیراعظم نیتن یاہو اس پیش رفت سے مطمئن دکھائی نہیں دیتے۔

رپورٹ کے مطابق اسرائیلی حکام اور ان کے امریکی اتحادی ایک بار پھر ایران کے خلاف جنگی بیانیہ مضبوط کرنے کی کوشش کر رہے ہیں اور یہ مؤقف اختیار کر رہے ہیں کہ تہران کے میزائل پروگرام کا فوری سدباب ضروری ہے۔ اس بار نیتن یاہو کی توجہ خاص طور پر ایران کے میزائل پروگرام پر مرکوز ہوگی۔

تاہم تجزیہ کاروں کا کہنا ہے کہ ایران کے ساتھ ایک اور ممکنہ تصادم صدر ٹرمپ کی اعلان کردہ خارجہ پالیسی ترجیحات کے برعکس ہوگا۔ سینٹر فار انٹرنیشنل پالیسی کے سینئر رکن سینا توسی کے مطابق ٹرمپ ایک جانب اسرائیل اور عرب ریاستوں کے درمیان معاشی تعاون اور سفارتی تعلقات کے فروغ کے خواہاں ہیں، جبکہ دوسری جانب نیتن یاہو خطے میں فوجی بالادستی قائم رکھنا چاہتے ہیں۔

سینا توسی کا کہنا تھا کہ ایران کے خلاف مسلسل امریکی مداخلت اور طویل جنگوں کی خواہش، جن کا مقصد ایرانی ریاست کو کمزور کرنا ہے، دراصل اسرائیل کی اس خواہش کی عکاسی کرتی ہے کہ خطے میں اس کی غیر چیلنج شدہ بالادستی، اجارہ داری اور توسیع پسندانہ عزائم برقرار رہیں۔ ان کے مطابق یہی نیتن یاہو کے اہداف کی بنیاد ہے، اور وہ امریکہ کو اسی سمت دھکیلنے کی کوشش کر رہے ہیں، جس سے اسرائیل اور امریکہ کے تعلقات متاثر ہو سکتے ہیں۔

ادھر کوئنسی انسٹی ٹیوٹ کے ایگزیکٹو نائب صدر ٹریٹا پارسی کے مطابق چونکہ صدر ٹرمپ جوہری مسئلے کو درست یا غلط طور پر حل شدہ قرار دے چکے ہیں، اس لیے اسرائیل دباؤ برقرار رکھنے کے لیے اب ایران کے میزائل پروگرام کو مرکزی مسئلہ بنا رہا ہے۔