امریکی صدر نے ہنگ کاؤ کو امریکا کا نیول سیکرٹری نامزد کردیا

امریکی صدر ڈونلڈ ٹرمپ نے ہنگ کاؤ کو امریکا کا نیا نیول سیکرٹری نامزد کر دیا ہے۔ سوشل میڈیا پلیٹ فارم ‘ٹروتھ سوشل’ پر جاری اپنے بیان میں صدر ٹرمپ نے سینیٹ سے اپیل کی کہ وہ اس جنگی تجربہ رکھنے والے فوجی کی نامزدگی کی جلد از جلد توثیق کرے تاکہ وہ اپنے شاندار کام کو جاری رکھ سکیں۔ صدر ٹرمپ نے ہنگ کاؤ کو حقیقی جنگجو اور محبِ وطن قرار دیا۔ دوسری جانب ہنگ کاؤ نے اس نامزدگی کو اپنی زندگی کا سب سے بڑا اعزاز قرار دیتے ہوئے بحری جہازوں کی تعمیر میں تیزی لانے اور ملکی دفاع کو مزید مضبوط بنانے کے عزم کا اظہار کیا۔ واضح رہے کہ ہنگ کاؤ، جو 25 سال تک امریکی بحریہ میں خدمات انجام دے چکے ہیں، اپریل 2026ء میں جان فیلن کے استعفے کے بعد سے بطور قائم مقام نیول سیکرٹری فرائض سرانجام دے رہے تھے۔