ایران پر حملے اردن میں ہمارے فوجی اڈے پر حملوں کا جواب ہیں: صدر ٹرمپ

امریکی صدر ڈونلڈ ٹرمپ نے ایران پر امریکی حملوں کے بعد ٹروتھ سوشل پر جاری اپنے بیان میں کہا ہے کہ آبنائے ہرمز کے قریب ایرانی اہداف پر کیے گئے طاقتور حملے اردن میں امریکی فوجی اڈے پر داغے گئے میزائلوں کا جواب ہیں۔ انہوں نے دعویٰ کیا کہ امریکی فورسز نے اردن میں آنے والے تمام 8 ایرانی میزائلوں کو تباہ کر دیا ہے اور اس وقت آبنائے ہرمز میں موجود تمام بارودی سرنگوں کا بھی مکمل خاتمہ کر دیا گیا ہے۔ صدر ٹرمپ نے ایران کو متنبہ کیا کہ اگر اس نے کوئی جوابی ردِعمل دیا تو اس پر پہلے سے کہیں زیادہ سخت کارروائی کی جائے گی اور امریکا کا سب سے بڑا حملہ ابھی باقی ہے، جس کے بعد ایران کا بہت ہی کم حصہ بچے گا۔