امریکا کی بچوں کے پاسپورٹ کے حصول کیلئے نئی تجویز پیش

امریکی محکمہ خارجہ نے ایک نئی تجویز پیش کی ہے جس کے تحت والدین کو اپنے بچوں کے امریکی پاسپورٹ کے لیے درخواست دیتے وقت اپنی امریکی شہریت یا قانون کے مطابق امیگریشن کی حیثیت کا ثبوت فراہم کرنا ہوگا۔ یہ اقدام صدر ڈونلڈ ٹرمپ کی جانب سے امریکا میں پیدا ہونے والے بچوں کی پیدائشی شہریت (Birthright Citizenship) کو محدود کرنے اور ’برتھ ٹورازم‘ کے خلاف کارروائی کے لیے جاری کردہ 6 اگست کے صدارتی حکم نامے پر عمل درآمد کا حصہ ہے۔ محکمہ خارجہ کے ترجمان ٹومی پگٹ کا کہنا ہے کہ صدر ٹرمپ امریکی شہریت کا تحفظ چاہتے ہیں اور اس بات کو یقینی بنانا چاہتے ہیں کہ پاسپورٹ کے اجرأ کا عمل انہی معیارات کا عکاس ہو۔ واضح رہے کہ اس سے قبل امریکی سپریم کورٹ پیدائشی شہریت کو محدود کرنے کی ایسی ہی ایک کوشش کو غیر آئینی قرار دے چکی ہے