او جی ڈی سی اور امریکی انرجی ٹیکنالوجی کمپنی کے درمیان معاہدہ طے

اسلام آباد: آئل اینڈ گیس ڈیولپمنٹ کمپنی لمیٹڈ (OGDCL) اور امریکہ کی نامور انرجی ٹیکنالوجی کمپنی بیکر ہیوز (Baker Hughes) کے درمیان پرانے تیل و گیس کے اثاثوں (Mature Assets) سے پیداوار بڑھانے کا اہم معاہدہ طے پا گیا ہے۔

او جی ڈی سی ایل کے مطابق یہ معاہدہ کمپنی کی جامع ‘پروڈکشن آپٹیمائزیشن مہم’ کا حصہ ہے۔ معاہدے کے تحت بیکر ہیوز اپنی جدید ٹیکنالوجی، جدید تجزیاتی نظام اور تکنیکی مہارت کے ذریعے او جی ڈی سی ایل کے 18 بڑے میچور اثاثوں کو بحال کرے گی، جن میں 12 تیل اور 6 گیس و کنڈینسیٹ فیلڈز شامل ہیں۔ اس اقدام کا بنیادی مقصد ملکی سطح پر تیل و گیس کے کے ذخائر کی پیداواری صلاحیت کو دوبارہ بہتر بنانا ہے۔

کمپنی حکام کے مطابق او جی ڈی سی ایل کی موجودہ یومیہ پیداوار 40 ہزار بیرل خام تیل، 815 ایم ایم ایس سی ایف ڈی (MMSCFD) قدرتی گیس اور 780 میٹرک ٹن ایل پی جی ہے۔ اس پیش رفت کو پاکستان کی توانائی سلامتی اور غیر ملکی زراطاق کے بچاؤ کے لیے انتہائی اہم قرار دیا جا رہا ہے۔ اسلام آباد میں امریکی ناظم الامور نیٹلی اے بیکر نے معاہدے کا خیرمقدم کرتے ہوئے اسے پاک امریکہ توانائی شراکت داری میں ایک اہم سنگِ میل قرار دیا ہے۔