سابق برطانوی وزیراعظم کیئر سٹارمر کا پارلیمانی نشست چھوڑنے کا فیصلہ

لندن: برطانیہ کے سابق وزیراعظم سر کیئر سٹارمر نے پارلیمنٹ کی رکنیت سے مستعفی ہونے کا باضابطہ اعلان کر دیا ہے، جس کے بعد ان کے انتخابی حلقے ’ہولبورن اینڈ سینٹ پینکراس‘ میں ضمنی انتخاب کی راہ ہموار ہو گئی ہے۔

برطانوی میڈیا رپورٹس کے مطابق سر کیئر سٹارمر سال 2015ء سے اس حلقے سے رکنِ پارلیمنٹ (MP) کے طور پر خدمات انجام دے رہے تھے۔ اپنے استعفے کے بیان میں سابق برطانوی وزیراعظم نے کہا کہ گزشتہ 11 برس کے دوران ہولبورن اینڈ سینٹ پینکراس کے عوام کی پارلیمان میں نمائندگی کرنا ان کے لیے باعثِ فخر اور عظیم اعزاز رہا ہے۔مستقبل کے منصوبوں پر گفتگو کرتے ہوئے کیئر سٹارمر نے بتایا کہ اب وہ اپنی تمام تر توجہ عالمی سفارتی امور، انسانی حقوق اور بالخصوص خواتین اور لڑکیوں کے خلاف تشدد کے خاتمے سے متعلق عالمی مہمات پر مرکوز کرنا چاہتے ہیں۔ ان کے استعفے کے بعد برطانوی الیکشن کمیشن جلد مذکورہ حلقے میں ضمنی انتخاب کے شیڈول کا اعلان کرے گا۔