واٹس ایپ نیا پیڈ سبسکرپشن فیچر متعارف کروانے کیلئے تیار

دنیا کی مقبول ترین میسجنگ ایپ واٹس ایپ نے اپنے صارفین کے لیے ایک نئی پیڈ سبسکرپشن (Paid Subscription) سروس متعارف کروانے کی تیاریاں مکمل کر لی ہیں۔ میٹا کی جانب سے اس نئی سروس کو “واٹس ایپ پلس” (WhatsApp Plus) کا نام دیا گیا ہے، جو مکمل طور پر اختیاری (Optional) ہوگی۔ کمپنی نے واضح کیا ہے کہ اس سبسکرپشن کے آغاز سے واٹس ایپ کے بنیادی فیچرز، جیسے مفت میسجنگ اور کالنگ، پر کوئی اثر نہیں پڑے گا۔

واٹس ایپ پلس کا بنیادی محور ایپ کی پرسنلائزیشن اور اضافی سہولیات ہیں، جو ان صارفین کے لیے ڈیزائن کی گئی ہیں جو اپنی ایپ کو ایک منفرد اور کسٹمائزڈ شکل دینا چاہتے ہیں۔