بچوں میں سوشل میڈیا کا استعمال روکنے اور عمر کی تصدیق کا اختیار نہیں: پی ٹی اے

پاکستان ٹیلی کمیونیکیشن اتھارٹی (پی ٹی اے) نے اسلام آباد ہائیکورٹ میں واضح کیا ہے کہ ادارے کے پاس 16 سال سے کم عمر بچوں کو سوشل میڈیا استعمال کرنے سے روکنے یا تمام پلیٹ فارمز پر عمر کی لازمی تصدیق نافذ کرنے کا کوئی قانونی اختیار موجود نہیں ہے۔ پی ٹی اے نے عدالت کو بتایا کہ پیکا (PECA) 2016 کی دفعہ 37 کے تحت اتھارٹی کا دائرہ کار صرف غیر قانونی آن لائن مواد کو بلاک کرنے یا ہٹانے تک محدود ہے، اس لیے بچوں کو آن لائن خطرات سے بچانے اور اس نوعیت کے اقدامات کے لیے نئے قانونی اور پالیسی فریم ورک کی ضرورت ہے۔