سپریم کورٹ کا بانی کے علاج سے متعلق تحریری فیصلہ جاری، میڈیکل بورڈ تشکیل دینے کا حکم

سپریم کورٹ نے بانی پی ٹی آئی کے آنکھوں کے علاج اور دیگر طبی سہولیات کے حوالے سے جسٹس شاہد وحید کا تحریر کردہ سات صفحات پر مشتمل فیصلہ جاری کر دیا ہے۔ فیصلے کے مطابق بانی پی ٹی آئی کو آنکھوں کے علاج کے لیے شفا انٹرنیشنل ہسپتال منتقل کرنے، فول پروف سیکیورٹی فراہم کرنے اور فزیشن، سرجن، آنکھوں کے ماہر اور کارڈیالوجسٹ پر مشتمل میڈیکل بورڈ تشکیل دینے کا حکم دیا گیا ہے، جبکہ ڈاکٹر فیصل سلطان اور ڈاکٹر عظمٰی خان کو بھی علاج میں شرکت کی اجازت ہوگی۔ علاج کے تمام اخراجات بانی پی ٹی آئی یا ان کا خاندان برداشت کرے گا۔ علاوہ ازیں، عدالت نے اہل خانہ کو ہفتے میں ایک ملاقات اور بیٹوں سے دو بار ٹیلی فونک گفتگو کی سہولت دینے کی ہدایت کی ہے، تاہم ہسپتال میں عوامی اجتماع اور طبی رپورٹس کے سیاسی استعمال پر سخت پابندی عائد کرتے ہوئے تمام فریقین کو توہینِ عدالت کا نوٹس جاری کر کے ذاتی حیثیت میں طلب کر لیا ہے۔