LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرکاری اداروں کو خودکفیل بنانے کیلئے مؤثر نظام لانا چاہتے ہیں: فیصل کریم کنڈی بانی پی ٹی آئی کا چیف جسٹس صاحبان کے نام خط حقائق کے منافی اور دراصل این آر او کی درخواست ہے پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری پنجاب حکومت نے اینٹی ریپ ایکٹ لانے اور خصوصی عدالتیں قائم کرنے کا فیصلہ کر لیا، عظمیٰ بخاری سالک حسین کا مریم نواز کو قانونی جواب، 2 نوٹس بھی بھجوا دیے ماسکو پر رواں سال کے بڑے حملوں میں سے ایک ناکام، سیکڑوں ڈرون تباہ بانی پی ٹی آئی کا چیف جسٹس سپریم کورٹ، چیف جسٹس وفاقی آئینی عدالت اور چیف جسٹس اسلام آباد ہائیکورٹ کے نام اڈیالہ جیل سے کھلا خط بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی جے شاہ دوسری مدت کیلئے بلامقابلہ آئی سی سی چیئرمین منتخب تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی

عدالتی حکم پر مکمل عمل، بانی کی صحت پر سیاست نہیں کریں گے: پی ٹی آئی

Web Desk

18 August 2026

پاکستان تحریکِ انصاف (پی ٹی آئی) نے بانی پی ٹی آئی عمران خان کو علاج معالجے کے لیے فوری طور پر شفاء انٹرنیشنل ہسپتال اسلام آباد منتقل کرنے کے سپریم کورٹ آف پاکستان کے فیصلے کا گرمجوشی سے خیرمقدم کیا ہے۔

پی ٹی آئی کے سیکرٹری جنرل سلمان اکرم راجہ نے میڈیا سے گفتگو کرتے ہوئے کہا کہ عدالتِ عظمیٰ نے بانی پی ٹی آئی کو دو روز کے اندر ہسپتال منتقل کرنے کا حکم دیا ہے، جس پر ہم مکمل عملدرآمد کریں گے۔ انہوں نے واضح کیا کہ تحریکِ انصاف بانی کی صحت کے معاملے پر کسی صورت سیاست نہیں کرے گی۔ سلمان اکرم راجہ نے بتایا کہ بطور سیکرٹری جنرل انہوں نے عدالت کو باقاعدہ یقین دہانی کروائی ہے کہ ہسپتال کے باہر کسی قسم کا اجتماع، مظاہرہ یا ہلڑ بازی نہیں کی جائے گی اور پارٹی اپنے اس وعدے کا پاس رکھے گی۔

وزیراعلیٰ خیبرپختونخوا سہیل آفریدی نے عدالتی فیصلے پر ردِعمل دیتے ہوئے اللہ تعالیٰ کا شکر ادا کیا اور کہا کہ ہم عدالتوں سے مزید انصاف پر مبنی فیصلوں کی توقع رکھتے ہیں، کیونکہ تحریکِ انصاف اور اس کے کارکنان کے ساتھ ہونے والی مبینہ زیادتیوں کا ازالہ صرف شفاف اور منصفانہ فیصلوں سے ہی ممکن ہے۔ انہوں نے پارٹی ورکرز کو ہدایت کی کہ کوئی بھی ایسا قدم نہ اٹھایا جائے جس سے عدالتی احکامات اور وقار کی توہین ہو۔

دوسری جانب پارلیمنٹ ہاؤس میں صحافیوں سے گفتگو کرتے ہوئے پی ٹی آئی رہنما بیرسٹر گوہر علی خان نے فیصلے کو سراہتے ہوئے کارکنان سے اپیل کی کہ وہ علاج کی فراہمی میں کسی قسم کی رکاوٹ سے بچنے کے لیے شفاء ہسپتال کے باہر جمع ہونے سے گریز کریں۔ انہوں نے زور دیا کہ بانی پی ٹی آئی کی طبی رپورٹس کو ذاتی مفادات یا سیاست کے لیے استعمال نہیں کیا جائے گا۔ اس کے ساتھ ہی بیرسٹر گوہر نے مطالبہ کیا کہ سابق خاتونِ اول بشریٰ بی بی کی صحت کے معاملے کو بھی اسی طرز پر حل کیا جائے اور انہیں بھی فوری طور پر مناسب طبی سہولیات فراہم کی جائیں۔