وزیراعظم کی اسلام آباد ٹیکنالوجی پارک کی تعمیر جلد مکمل کرنے کی ہدایت

وزیراعظم محمد شہباز شریف کی زیرِ صدارت نیشنل انفارمیشن ٹیکنالوجی بورڈ (NITB) میں جاری اصلاحات اور اسلام آباد ٹیکنالوجی پارک کی تعمیراتی پیشرفت پر اعلیٰ سطح کا جائزہ اجلاس منعقد ہوا۔ وزیراعظم نے تمام سرکاری اداروں کی ڈیجیٹلائزیشن کو تیز کرنے، تمام ماتحت اداروں اور اسٹیٹ اونڈ انٹرپرائزز (SOEs) میں ای آفس کے استعمال کو یقینی بنانے اور سرکاری املاک کے تمام ریکارڈ کو جلد از جلد ڈیجیٹائز کرنے کی ہدایت کی۔ اس کے علاوہ، شہباز شریف نے اسلام آباد ٹیکنالوجی پارک کی تعمیر میں تاخیر پر شدید برہمی کا اظہار کرتے ہوئے کام فوری مکمل کرنے اور اس کے انتظام و انصرام کو مکمل طور پر آؤٹ سورس کر کے ترجیحی بنیادوں پر فعال کرنے کے احکامات جاری کیے