حکومت اور اپوزیشن میں معقول دوریاں ہونی چاہئیں، مخالفت برائے مخالفت نہیں: مولانا فضل الرحمان

جمعیت علمائے اسلام (ف) کے سربراہ مولانا فضل الرحمان نے میڈیا سے گفتگو کرتے ہوئے کہا ہے کہ حکومت اور اپوزیشن کے درمیان معقول دوریاں ہونی چاہئیں تاہم ایک دوسرے کی مخالفت برائے مخالفت نہیں کی جانی چاہیے۔ سپریم کورٹ کے حالیہ فیصلے پر مختصر ردِعمل دیتے ہوئے انہوں نے اسے “اچھی بات” قرار دیا۔ سربراہ جے یو آئی (ف) کا مزید کہنا تھا کہ اپوزیشن کا بنیادی کام حکومت کی کمزوریوں کی نشاندہی کرنا اور اپنا آئینی و سیاسی کردار ادا کرنا ہے، جبکہ حکومت اور اپوزیشن کے تعلقات کے حوالے سے ان کا کہنا تھا کہ اپوزیشن سے قربتیں نہیں بلکہ نزدیکیاں قائم ہیں۔