ٹرمپ نے آبنائے ہرمز کو ’نیا امریکی علاقہ‘ قرار دے دیا، ایران کا شدید ردعمل

امریکی صدر ڈونلڈ ٹرمپ نے اپنے سوشل میڈیا پلیٹ فارم ‘ٹروتھ سوشل’ پر مشرقِ وسطیٰ کا ایک نقشہ شیئر کرتے ہوئے آبنائے ہرمز پر امریکی کنٹرول کا دعویٰ کیا ہے، جس میں اس علاقے کو “نیو یو ایس ٹیریٹری” (امریکا کا نیا علاقہ) کے طور پر نمایاں کیا گیا ہے۔ اگرچہ ٹرمپ نے اس پوسٹ کی کوئی تفصیلی وضاحت نہیں کی، تاہم اس سے قبل وہ یہ کہہ چکے ہیں کہ امریکا بحری ناکہ بندی کے ذریعے اس اہم بحری گزرگاہ پر مکمل کنٹرول رکھتا ہے۔ دوسری جانب، ایرانی حکام نے ٹرمپ کے اس دعوے کو حقیقت سے دور قرار دے کر مسترد کر دیا ہے اور واضح کیا ہے کہ جب تک امریکا ایرانی بندرگاہوں کی ناکہ بندی اور تیل پر عائد پابندیاں ختم نہیں کرتا، تب تک آبنائے ہرمز کو مکمل طور پر نہیں کھولا جائے گا۔