وزیراعظم شہباز شریف نے گوگل کے پاکستان آفس کا افتتاح کر دیا

وزیراعظم شہباز شریف نے اسلام آباد میں گوگل کے پاکستان آفس کا افتتاح کر دیا ہے۔ اس موقع پر گوگل کے نائب صدر ولسن اور ان کی وفد نے وزیراعظم سے ملاقات کی، جس میں ملک میں ڈیجیٹل ٹیکنالوجی کے فروغ، نوجوانوں کے لیے نئے مواقع کی فراہمی اور باہمی تعاون کو وسیع کرنے پر تبادلہ خیال کیا گیا۔

وزیراعظم نے گوگل کی ٹیم کو خوش آمدید کہتے ہوئے اسے پاکستان کے لیے ایک اہم اور خوبصورت نئے سفر کا آغاز قرار دیا اور زور دیا کہ گوگل نوجوانوں کو جدید ڈیجیٹل مہارتوں سے آراستہ کرنے میں اہم کردار ادا کر سکتا ہے۔ دوسری جانب، گوگل کے نائب صدر ولسن نے پاکستان کے ساتھ طویل المدتی شراکت داری اور ڈیجیٹل معیشت کے استحکام کے لیے مل کر کام کرنے کی خواہش کا اظہار کیا۔