پاکستان سٹاک مارکیٹ میں شدید مندی، کاروبار کا منفی رجحان رہا

پاکستان سٹاک ایکسچینج (پی ایس ایکس) میں منگل کے روز شدید مندی کا رجحان غالب رہا، جس کے نتیجے میں کے ایس ای-100 انڈیکس میں بڑی گراوٹ دیکھنے کو ملی اور سرمایہ کاروں کو شدید مالی نقصان کا سامنا کرنا پڑا۔کاروباری ہفتے کے دوسرے روز آغاز میں مارکیٹ میں مثبت رجحان دیکھا گیا اور ہنڈرڈ انڈیکس 100 پوائنٹس کے اضافے کے ساتھ ایک لاکھ 80 ہزار 602 پوائنٹس کی سطح پر پہنچ گیا۔ تاہم ابتدائی تیزی زیادہ دیر برقرار نہ رہ سکی اور ٹریڈنگ کے دوران فروخت کے شدید دباؤ کے باعث مارکیٹ اچانک مندی کی لپیٹ میں آگئی۔دن بھر جاری رہنے والی مندی کے باعث کاروباری روز کے اختتام پر KSE-100 انڈیکس 2,546 پوائنٹس کی نمایاں کمی کے ساتھ ایک لاکھ 77 ہزار 955 پوائنٹس کی سطح پر بند ہوا۔ واضح رہے کہ گزشتہ کاروباری روز (پیر) کے اختتام پر ہنڈرڈ انڈیکس 397 پوائنٹس اضافے کے ساتھ ایک لاکھ 80 ہزار 502 پوائنٹس کی سطح پر بند ہوا تھا۔