زہران ممدان، عوامی منشور سے نیویارک کے دل جیتنے والا میئر
Web Desk
5 November 2025
نیویارک جیسے مصروف، مہنگے اور متنوع شہر میں انتخابات ہمیشہ نظریات اور منشور کی جنگ ہوتے ہیں، مگر اس بار زہران ممدانی نے یہ جنگ عوامی مسائل کو محور بنا کر جیت لی۔ ان کی کامیابی صرف ایک انتخابی جیت نہیں، بلکہ عوامی فلاح، مساوات اور سماجی انصاف کے نظریے کی فتح بھی ہے۔
زہران ممدانی کی جیت میں ان کے انتخابی منشور کا بنیادی کردار رہا۔ انہوں نے نیویارک کے شہریوں کے روزمرہ کے حقیقی مسائل ، مہنگے کرائے، مہنگی ٹرانسپورٹ، چائلڈ کیئر کے اخراجات اور خوراک کی بڑھتی قیمتوں ، کو اپنی مہم کا مرکز بنایا۔
کرایوں پر کنٹرول ، متوسط طبقے کے لیے ریلیف
نیویارک میں کرایوں کا مسئلہ کئی دہائیوں سے شدت اختیار کرتا جا رہا ہے۔ زہران ممدانی نے وعدہ کیا کہ وہ Rent-Stabilized گھروں کے کرائے منجمد کریں گے، جہاں اس وقت بیس لاکھ سے زائد شہری مقیم ہیں۔ ان کا یہ وعدہ خاص طور پر ان خاندانوں کے لیے امید کی کرن بن گیا جو ہر سال بڑھتے کرایوں سے پریشان تھے۔
مفت بس سروس اور ٹرانسپورٹ میں انقلاب
دنیا کے مصروف ترین شہر میں سفر کا خرچ عام شہریوں کے لیے بڑا بوجھ ہے۔ زہران نے اپنی مہم میں تیز ترین اور مفت بس سروس کا وعدہ کیا، جس نے لاکھوں ملازمین، طلبہ اور بزرگ شہریوں کے دل جیت لیے۔ یہ منصوبہ نیویارک کی پبلک ٹرانسپورٹ میں ایک تاریخی تبدیلی لانے کا عندیہ دیتا ہے۔
چائلڈ کیئر سب کے لیے مفت
زہران ممدانی نے اعلان کیا کہ چھ ہفتے سے پانچ سال تک کے ہر بچے کے لیے چائلڈ کیئر مفت ہوگی۔ ساتھ ہی نرسری اور چائلڈ کیئر ورکرز کی تنخواہیں بھی بڑھانے کا وعدہ کیا تاکہ معیار برقرار رکھا جا سکے۔ یہ اقدام والدین خصوصاً ورکنگ ماؤں کے لیے بڑا ریلیف سمجھا جا رہا ہے۔
سستے کریانہ اسٹورز ، خوراک کی قیمتوں پر قابو
خوراک کی بڑھتی قیمتوں کے مسئلے پر قابو پانے کے لیے زہران نے وعدہ کیا کہ شہر بھر میں سرکاری ملکیت کے سستے کریانہ اسٹورز قائم کیے جائیں گے۔ اس اقدام کا مقصد عام شہریوں کو بنیادی اشیائے خورونوش کم قیمت پر فراہم کرنا ہے۔
منصفانہ ٹیکس پالیسی
ان منصوبوں کی تکمیل کے لیے زہران نے ایک متوازن مالی حکمتِ عملی پیش کی۔ ان کا منصوبہ ہے کہ کارپوریشن ٹیکس کی شرح 11.5 فیصد تک بڑھائی جائے، جبکہ ایک ملین ڈالر سے زیادہ آمدنی والے افراد پر 2 فیصد فلیٹ ٹیکس نافذ کیا جائے۔ اس پالیسی کا مقصد وسائل کی منصفانہ تقسیم اور عوامی فلاح کے منصوبوں کی مالی معاونت ہے۔
زہران ممدانی کی کامیابی اس بات کا ثبوت ہے کہ جب کوئی رہنما عوامی مسائل کو اپنی ترجیح بناتا ہے، تو عوام دل سے اس کا ساتھ دیتے ہیں۔ نیویارک میں ان کی جیت نہ صرف ایک سیاسی کامیابی ہے بلکہ سماجی انصاف اور عوامی خدمت کے نظریے کی فتح بھی ہے ایک ایسا خواب جو اب حقیقت بنتا دکھائی دے رہا ہے
متعلقہ عنوانات
’بیٹھے رہنے سے کینسر کا خطرہ بڑھ جاتا ہے‘
4 July 2026
منہ پر چمگادڑ بیٹھنے سے 11 سالہ بچہ ہلاک
1 July 2026
ویپنگ بینائی کے سنگین امراض کا باعث قرار، نئی تحقیق میں انکشافات
30 June 2026
ڈوپامین کی کمی بھی یادداشت کی خرابی کی ایک اہم وجہ ہو سکتی ہے
30 June 2026
امریکا کے بہترین شہروں کی رینکنگ 2026 جاری, نیویارک مسلسل دسویں سال پہلے نمبر پر برقرار، دوسرے نمبر پر لاس اینجلس اور شکاگو تیسرے نمبر پر
30 June 2026
پاکستان کی وہ حیرت انگیز عمارت جس کا باقاعدہ علاج کیا گیا
29 June 2026
سائنسدانوں کی بلیک ہول کے ‘پوائنٹ آف نو ریٹرن’ تک رسائی کا دعویٰ
28 June 2026
تیرہ سالہ بچی راجستھان کے شاہی خاندان کی سربراہ نامزد
27 June 2026