امریکا کے بہترین شہروں کی رینکنگ 2026 جاری, نیویارک مسلسل دسویں سال پہلے نمبر پر برقرار، دوسرے نمبر پر لاس اینجلس اور شکاگو تیسرے نمبر پر
Web Desk
30 June 2026
دنیا میں شہروں کی برانڈنگ اور مارکیٹنگ کرنے والے معروف ادارے ‘ریزونینس کنسلٹنسی’ (Resonance Consultancy) نے سال 2026 کے لیے امریکا کے بہترین شہروں کی سالانہ رپورٹ اور رینکنگ جاری کر دی ہے۔ اس جامع ترین اسٹڈی میں امریکا کی تاریخ میں پہلی بار تمام 393 میٹروپولیٹن علاقوں کا جائزہ لیا گیا ہے، جس میں نیویارک نے ایک بار پھر پہلی پوزیشن حاصل کر کے میدان مار لیا ہے۔
رپورٹ کے مطابق، نیویارک شہر نے تینوں اہم ترین ستونوں یعنی رہنے کی سہولیات (Livability)، سیاحتی و ثقافتی کشش (Lovability)، اور معاشی خوشحالی (Prosperity) میں پہلی پوزیشن حاصل کی ہے۔ رینکنگ میں کیلیفورنیا کا شہر ‘لاس اینجلس’ دوسرے اور ‘شکاگو’ تیسرے نمبر پر رہا، جو ان شہروں کی معاشی اور ثقافتی گہرائی کا منہ بولتا ثبوت ہے۔ رینکنگ کے ٹاپ 10 شہروں میں میامی چوتھے، سان فرانسسکو پانچویں، سیئٹل چھٹے، لاس ویگاس ساتویں، ڈلاس آٹھویں، ہوسٹن نویں اور بوسٹن دسویں نمبر پر موجود ہیں۔
ریزونینس کنسلٹنسی کے صدر اور سی ای او کرس فیئر کا کہنا ہے کہ امریکی شہروں کے درمیان رہائشیوں، سیاحوں، ٹیلنٹ اور سرمایہ کاری کو راغب کرنے کے لیے اب تک کا سب سے سخت مقابلہ دیکھا جا رہا ہے۔ انہوں نے کہا کہ جو شہر اپنی مسابقتی پوزیشن کو سمجھنے میں ناکام رہیں گے، وہ دوسرے شہروں سے پیچھے رہ جائیں گے۔
رپورٹ میں امریکی شہروں کے حوالے سے 6 اہم ترین حقائق بھی سامنے لائے گئے ہیں. امریکا اس وقت تاریخ میں آبادی کے سب سے سست ترین اضافے کے دور سے گزر رہا ہے، جس کی وجہ سے شہروں کے لیے ہنرمند افراد (ٹیلنٹ) کا حصول مشکل ہو رہا ہے۔ امریکیوں کے رہنے، گھومنے یا کام کرنے کے لیے پسندیدہ شہروں کی تعداد 2024 میں 99 تھی جو اب بڑھ کر 115 ہو چکی ہے۔ معاشی ترقی اور ہجرت کا رجحان اب جنوبی اور پہاڑی مغربی ریاستوں کی طرف منتقل ہو رہا ہے، جہاں فلوریڈا، ٹیکساس اور نیواڈا معاشی ترقی میں سب سے آگے ہیں۔ رپورٹ کے مطابق ٹاپ 100 شہروں میں سے 43 شہر ایسے ہیں جن کی کارکردگی ان کے عوامی تاثر سے کہیں بہتر ہے۔سیاحت اور رہائش کا گہرا تعلق: ڈیٹا سے یہ بات بھی ثابت ہوئی ہے کہ جن شہروں کو لوگ گھومنے پھرنے کے لیے سب سے زیادہ پسند کرتے ہیں، مستقبل میں وہیں مستقل رہائش اختیار کرنے کو بھی ترجیح دیتے ہیں۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026