پاکستان سٹاک مارکیٹ میں کاروبار کا منفی زون میں آغاز

پاکستان سٹاک ایکسچینج (PSX) میں کاروباری ہفتے کے پانچویں اور آخری روز بھی مندی کا رجحان برقرار ہے، جہاں ٹریڈنگ کا آغاز منفی زون میں ہوا۔ مارکیٹ کھلتے ہی فروخت کے دباؤ کے باعث کے ایس ای-100 انڈیکس میں 600 سے زائد پوائنٹس کی کمی دیکھنے میں آئی، جس کے بعد انڈیکس 1 لاکھ 63 ہزار 262 پوائنٹس کی سطح پر آ گیا ہے۔ واضح رہے کہ گزشتہ روز بھی مارکیٹ میں شدید مندی کا راج رہا تھا اور 100 انڈیکس 2,006 پوائنٹس کی بڑی گراوٹ کے بعد 1 لاکھ 63 ہزار 924 پوائنٹس کی سطح پر بند ہوا تھا، جبکہ آخری روز بھی سرمایہ کار محتاط دکھائی دے رہے ہیں۔