گوادر میں تعمیراتی کمپنی کے کیمپ پر حملے کی کوشش ناکام، 7 دہشتگرد ہلاک

سیکیورٹی فورسز نے بلوچستان کے ساحلی شہر گوادر میں فتنۃ الہندوستان سے تعلق رکھنے والے دہشت گردوں کی تعمیراتی کمپنی کے خالی کیمپ پر حملے کی بزدلانہ کوشش کو ناکام بناتے ہوئے 7 دہشت گردوں کو جہنم واصل کر دیا ہے۔ سیکیورٹی ذرائع کے مطابق فورسز نے بروقت اور مؤثر اقدام کرتے ہوئے کیمپ کو نشانہ بنانے کے ناپاک عزائم کو خاک میں ملا دیا، جبکہ کارروائی کے دوران مزید دہشت گردوں کو گھیرے میں لے لیا گیا ہے۔ ذرائع کا مزید کہنا ہے کہ علاقے کو بموں اور آئی ای ڈیز (IEDs) سے محفوظ بنانے اور دیگر روپوش ملزمان کی سرکوبی کے لیے بڑے پیمانے پر کلیئرنس آپریشن جاری ہے۔