زیادہ چینی کھانے کا ایک اور بڑا نقصان دریافت

عام طور پر یہ مانا جاتا ہے کہ بہت زیادہ میٹھا کھانے سے ذیابیطس ٹائپ 2 اور ہائی بلڈ پریشر کا خطرہ بڑھتا ہے، تاہم اب طبی ماہرین نے زیادہ میٹھا کھانے کی عادت کا ایک اور بڑا نقصان دریافت کر لیا ہے۔ سائنسی جریدے نیوٹریشنز (Nutrients) میں شائع ہونے والی ایک تحقیق کے مطابق، اگر کوئی فرد دمہ (Asthma) کے مرض میں مبتلا ہے تو چینی کا زیادہ استعمال اس مرض کی شدت کو بڑھا سکتا ہے اور مختصر المدت کے لیے پھیپھڑوں کا ورم (سوجن) بدتر کر کے الرجی کے دورے کا خطرہ بڑھا دیتا ہے۔

تحقیق کے دوران چوہوں کو میٹھے دودھ کی رسائی دی گئی تو محض دو ہفتوں کے اندر ان میں منفی اثرات ظاہر ہونا شروع ہو گئے۔ محققین کے مطابق یہ اپنے نوعیت کی پہلی تحقیق ہے جس سے ثابت ہوتا ہے کہ چینی کتنی تیزی سے ورم سے جڑی بیماریوں کو شدید بناتی ہے۔ ماہرین کا کہنا ہے کہ چینی مدافعتی نظام کا توازن بگاڑ کر ورم کو متحرک کرتی ہے، اس لیے بالخصوص دمہ سے متاثرہ افراد اور بچوں کو میٹھے کے زیادہ استعمال سے پرہیز کرنا چاہیے۔