عالمی و مقامی سطح پر سونے چاندی کی قیمتوں میں بڑی کمی

عالمی اور مقامی صرافہ بازاروں میں سونے اور چاندی کی قیمتوں میں بڑی کمی ریکارڈ کی گئی ہے۔ آل پاکستان صرافہ ایسوسی ایشن کے مطابق ملک میں 24 قیراط فی تولہ سونے کی قیمت 2,100 روپے کی کمی کے بعد 4 لاکھ 39 ہزار 936 روپے ہو گئی ہے، جبکہ 10 گرام سونے کا بھاؤ 1,800 روپے گر کر 3 لاکھ 77 ہزار 174 روپے پر آ گیا ہے۔ اسی طرح فی تولہ چاندی کی قیمت میں بھی 23 روپے کی کمی دیکھی گئی جس کے بعد نئی قیمت 6 ہزار 532 روپے ہو گئی ہے۔ دوسری جانب بین الاقوامی بلین مارکیٹ میں بھی فی اونس سونا 21 ڈالر کی کمی کے ساتھ 4,174 ڈالر کی سطح پر درج کیا گیا۔