ہمارا واسطہ آئین شکنوں سے ہے، حالات بلوچستان میں خراب ہیں تو وہاں ایمرجنسی لگائیں: علامہ راجہ ناصر عباس

مجلس وحدت مسلمین (MWM) کے سربراہ سینیٹر علامہ راجہ ناصر عباس نے حکومت پر شدید تنقید کرتے ہوئے کہا ہے کہ اس وقت ملک میں آئین شکن عناصر اور جھوٹوں کا راج ہے جو متفقہ آئین کو متنازع بنا رہے ہیں۔ انہوں نے کہا کہ سیاسی کارکنوں کو دہشت گردوں سے تشبیہ دینا سراسر ناانصافی ہے۔ خیبر پختونخوا میں ایمرجنسی اور گورنر راج پر تحفظات کا اظہار کرتے ہوئے علامہ راجہ ناصر عباس نے کہا کہ امن و امان کی صورتحال خیبر پختونخوا سے زیادہ بلوچستان میں خراب ہے، اگر حکومت کو واقعی سیکیورٹی کی تشویش ہے تو بلوچستان میں ایمرجنسی نافذ کرے۔ انہوں نے متنبہ کیا کہ بات بہت آگے بڑھ چکی ہے اور اگر اس وقت عوام نے جمہوری اداروں کا ساتھ نہ دیا تو ملکی حالات اس سے بھی زیادہ ابتر ہو جائیں گے۔