کے پی میں ایمرجنسی اور گورنر راج کا نفاذ پشاور ہائی کورٹ میں چیلنج: اقدام کالعدم قرار دینے کی استدعا

خیبر پختونخوا میں وفاقی حکومت کی جانب سے ایمرجنسی کے نفاذ اور گورنر راج کے قیام کے فیصلے کو پشاور ہائی کورٹ میں آئینی درخواست کے ذریعے چیلنج کر دیا گیا ہے۔ یہ درخواست سلمان ایڈووکیٹ نے دائر کی ہے جس میں صدرِ پاکستان، وزیرِ اعظم اور گورنر خیبر پختونخوا کو فریق بنایا گیا ہے۔ درخواست میں مؤقف اپنایا گیا ہے کہ صوبے میں ایمرجنسی اور گورنر راج کا نفاذ بالکل غیر آئینی، غیر قانونی، بدنیتی پر مبنی اور عوام کے جمہوری مینڈیٹ و بنیادی حقوق کی سنگین ورزی ہے۔ درخواست گزار نے عدالت عالیہ سے استدعا کی ہے کہ وفاق کے اس اقدام کو کالعدم قرار دیا جائے اور کیس کا حتمی فیصلہ آنے تک گورنر راج سے متعلق جاری کردہ تمام نوٹیفکیشنز کو فوری معطل کرنے کا حکم جاری کیا جائے۔