سونے کی قیمت میں مسلسل دوسرے روز اضافہ، چاندی بھی مہنگی

عالمگیر اور مقامی صرافہ مارکیٹوں میں سونے اور چاندی کی قیمتوں میں مسلسل دوسرے دن بھی اضافے کا رجحان برقرار رہا۔ بین الاقوامی بلین مارکیٹ میں فی اونس سونا 11 ڈالر کے اضافے کے بعد 4 ہزار 195 ڈالر کی سطح پر پہنچ گیا، جس کے زیر اثر مقامی صرافہ بازاروں میں فی تولہ سونا 1,100 روپے مہنگا ہو کر 4 لاکھ 42 ہزار 36 روپے کی سطح پر آگیا۔ اسی طرح فی 10 گرام سونے کی قیمت میں 943 روپے کا اضافہ ہوا جس کے بعد نئی قیمت 3 لاکھ 78 ہزار 974 روپے ہو گئی ہے۔ عالمی مارکیٹ میں چاندی کے ریٹ 60.77 ڈالر فی اونس ہونے کے باعث مقامی سطح پر بھی فی تولہ چاندی 43 روپے اضافے سے 6,555 روپے اور 10 گرام چاندی 37 روپے اضافے کے ساتھ 5,619 روپے کی سطح پر بند ہوئی۔