نورا فتحی کیخلاف 3 کروڑ روپے ہرجانے اور ہتکِ عزت کا دعویٰ
Web Desk
9 September 2026
بالی ووڈ فلم انڈسٹری کی معروف مراکشی نژاد کینیڈین اداکارہ اور ڈانسر نورا فتحی کی جانب سے سفر کے لیے استعمال کی جانے والی ایک چارٹرڈ پرواز کو ’کھلونا جہاز‘ قرار دینا انہیں مہنگا پڑ گیا ہے۔ ایک نجی ایوی ایشن کمپنی نے اداکارہ کے خلاف 3 کروڑ بھارتی روپے کے ہرجانے اور ہتکِ عزت کا قانونی دعویٰ دائر کر دیا ہے، جس پر گاندھی نگر کی عدالت نے سماعت کے لیے 25 ستمبر کی تاریخ مقرر کر دی ہے۔
درخواست گزار ایوی ایشن کمپنی کے مطابق یہ واقعہ گزشتہ سال دسمبر میں اس وقت پیش آیا تھا جب نورا فتحی نے ممبئی سے جے پور کے سفر کے دوران چارٹرڈ طیارے کے اندر متعدد ویڈیوز بنائیں اور اس طیارے کو چھوٹا کھلونا اور ’لیگو ایئرپلین‘ قرار دیتے ہوئے مواد اپنے انسٹاگرام اکاؤنٹ پر شیئر کر دیا۔ کمپنی نے عدالت میں مؤقف اختیار کیا ہے کہ اداکارہ کے 4.6 کروڑ سے زائد سوشل میڈیا فالوورز ہیں اور ان کے اس غیر ذمہ دارانہ اور حقیقت کے برعکس توہین آمیز تبصرے کی وجہ سے کمپنی کی ساکھ کو شدید نقصان پہنچا، جس کے بعد پروازوں کی بکنگ میں 15 سے 20 فیصد تک کی بڑی کمی واقع ہوئی۔ کمپنی نے واضح کیا کہ وہ طیارہ مکمل طور پر پرواز کے لیے محفوظ اور ڈائریکٹوریٹ جنرل آف سول ایوی ایشن (DGCA) سے منظور شدہ تھا، لہٰذا عدالت نورا فتحی کو وہ تمام مواد فوری طور پر ہٹانے اور عوامی سطح پر معافی مانگنے کا حکم دے
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026