فن لینڈ کی 27 سالہ سوشل میڈیا انفلوئنسر کاسمیٹک سرجری کے دوران ہلاک
Web Desk
10 September 2026
ہیلسنکی: فن لینڈ سے تعلق رکھنے والی 27 سالہ معروف سوشل میڈیا انفلوئنسر اولیویا اوراس کاسمیٹک سرجری کے ایک طریقہ کار کے دوران پراسرار طور پر فوت ہو گئی ہیں، جس کے بعد پولیس نے مقامی بیوٹی کلینک کے انتظامی عملے اور معالجین کے خلاف مبینہ غفلت کی تفتیش کا آغاز کر دیا ہے۔
تفصیلات کے مطابق اولیویا اوراس ہیلسنکی کے ایک نجی بیوٹی کلینک میں کاسمیٹک سرجری کے لیے موجود تھیں، جہاں پروسیسر شروع کرنے سے قبل انہیں بے ہوشی (انستھیزیا) کی دوا دی جا رہی تھی کہ ان کی حالت اچانک بگڑ گئی اور وہ بے ہوش ہو گئیں۔ کلینک عملے نے انہیں تشویشناک حالت میں فوری طور پر ہیلسنکی کے مرکزی اسپتال منتقل کیا، تاہم ڈاکٹروں کی تمام تر کوششوں کے باوجود وہ جانبر نہ ہو سکیں اور ان کی موت کی تصدیق کر دی گئی۔
والدین کے الزامات: اولیویا کے والد ریجو اوراس اور والدہ جوہانا اوراس نے میڈیا سے گفتگو کرتے ہوئے خدشہ ظاہر کیا ہے کہ بیوٹی کلینک کے طبی عملے کی سنگین غلطی یا غیر ذمہ دارانہ غفلت ان کی بیٹی کی ناگہانی موت کا سبب بنی ہے۔
پولیس تفتیش: ہیلسنکی پولیس کا کہنا ہے کہ اولیویا کی موت کے تین روز بعد باقاعدہ قانونی شکایت اور درخواست موصول ہوئی ہے، جس کے بعد واقعے کو ممکنہ مجرمانہ غفلت کے زاویے سے زیرِ تفتیش لایا گیا ہے۔
اولیویا اوراس نے محض 14 برس کی عمر میں انسٹاگرام سے ڈیجیٹل دنیا میں قدم رکھا تھا اور مختصر عرصے میں ہزاروں فالوورز حاصل کر کے معروف انفلوئنسر بن گئی تھیں۔ 2016ء میں ان کی زندگی اور سوشل میڈیا کے ساتھ تعلق پر مبنی دستاویزی فلم ’دی پرفیکٹ سیلفی‘ ریلیز ہوئی جس سے انہیں عالمی شہرت ملی۔
بعد ازاں انہوں نے انسٹاگرام بند کر کے 2017ء میں ایمسٹرڈیم میں سکونت اختیار کر لی تھی۔ فن لینڈ واپسی پر وہ شدید نفسیاتی دباؤ، نیند کی گولیوں اور الکحل کے استعمال کی عادت میں مبتلا ہو گئی تھیں، تاہم طبی علاج کے بعد انہوں نے اپنی زندگی کو دوبارہ معمول پر لا کر مثبت سمت میں گامزن کر لیا تھا۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026