ہیلری کلنٹن نے ٹرمپ کو جھوٹ بولنے کے اولمپک چیمپئن قرار دے دیا

واشنگٹن: امریکہ کی سابق وزیرِ خارجہ ہیلری کلنٹن نے سابق امریکی صدر ڈونلڈ ٹرمپ کو سخت تنقید کا نشانہ بناتے ہوئے انہیں ’’جھوٹ بولنے کا اولمپک چیمپئن‘‘ قرار دیا ہے۔

امریکی نیوز چینل کو دیے گئے ایک انٹرویو میں ہیلری کلنٹن نے کہا کہ ڈونلڈ ٹرمپ ہر معاملے میں حقیقت کے برعکس بیانیے گھڑتے ہیں اور ان کے ان جھوٹے دعوؤں کے منفی اثرات براہِ راست امریکی فوجیوں، ایئر فورس، میرینز اور مشرقِ وسطیٰ میں تعینات امریکی اہلکاروں کی سلامتی اور زندگیوں پر پڑ رہے ہیں۔

مشرقِ وسطیٰ کی پیدا شدہ صورتحال اور امریکی پالیسیوں پر بات کرتے ہوئے سابق وزیرِ خارجہ کا کہنا تھا کہ گزشتہ 25 برسوں کے تلخ تجربات سے امریکہ نے کچھ نہیں سیکھا۔ موجودہ امریکی اقدامات اور پالیسیاں خود ایران کو مزید مضبوط کرنے کا باعث بن رہی ہیں۔ ہیلری کلنٹن نے خبردار کیا کہ ایران، چین اور روس کے تعاون و مدد سے امریکہ کی دفاعی صلاحیت اور خطے میں اثر و رسوخ کو کم کرنے کے لیے حکمتِ عملی کے تحت چالیں چل رہا ہے۔