سہیل آفریدی، مینا خان سمیت 4 ملزموں کے ناقابل ضمانت وارنٹ جاری

اسلام آباد: انسداد دہشت گردی عدالت (ATC) اسلام آباد نے پولیس کی درخواست پر کارروائی کرتے ہوئے سہیل آفریدی، مینا خان آفریدی، شاہد خٹک اور شفیع جان کے نئے ناقابلِ ضمانت وارنٹ گرفتاری جاری کر دیے ہیں۔

یہ کارروائی تھانہ رمنا میں درج ایف آئی آر نمبر 975/24 کے تحت کی گئی ہے، جس میں نامزد تمام چاروں ملزمان کے خلاف انسدادِ دہشت گردی سمیت دیگر سنگین قانونی دفعات شامل ہیں۔ عدالت نے معاملے کی سنگینی کو مدنظر رکھتے ہوئے ایس ایچ او (SHO) تھانہ رمنا کو واضح احکامات جاری کیے ہیں کہ وہ سہیل آفریدی، مینا خان آفریدی، شاہد خٹک اور شفیع جان کو فوری طور پر گرفتار کر کے عدالت کے روبرو پیش کریں۔