مشرق وسطیٰ میں بڑھتی کشیدگی، سٹاک مارکیٹ میں شدید مندی

کراچی: پاکستان سٹاک ایکسچینج (PSX) میں مندی کا منفی رجحان برقرار ہے، جہاں کاروباری ہفتے کے چوتھے روز بھی ہنڈرڈ انڈیکس میں شدید فروخت کے دباؤ کے باعث نمایاں کمی ریکارڈ کی گئی ہے۔

کاروبار کے دوران مارکیٹ میں مسلسل ہچکولے دیکھے گئے اور ایک موقع پر 1000 سے زائد پوائنٹس کی کمی کے ساتھ انڈیکس ایک لاکھ 70 ہزار 762 پوائنٹس کی سطح تک نیچے آ گیا۔ ٹریڈنگ کے اختتام تک مندی کا یہ لہر غالب رہی اور کاروباری روز کے خاتمے پر ہنڈرڈ انڈیکس 3,078 پوائنٹس کے بڑے نقصان کے ساتھ ایک لاکھ 68 ہزار 865 پوائنٹس کی سطح پر بند ہوا۔

مارکیٹ ماہرین کے مطابق گزشتہ روز بھی ہنڈرڈ انڈیکس 698 پوائنٹس کی کمی کے ساتھ 1 لاکھ 71 ہزار 943 پوائنٹس پر بند ہوا تھا، تاہم چوتھے روز بھی سرمایہ کاروں کی جانب سے منافع بپٹورنے کی پالیسی اور محتاط رویے کی وجہ سے مارکیٹ پر مندی کا غلبہ قائم رہا۔