پاکستان کی ویمن کرکٹر ایمن انور کا فوری طور پر ریٹائرمنٹ کا اعلان

پاکستان ویمنز کرکٹ ٹیم کی فاسٹ بولر ایمن انور نے انٹرنیشنل کرکٹ سے فوری ریٹائرمنٹ کا اعلان کر دیا ہے۔ پاکستان کرکٹ بورڈ (پی سی بی) کے مطابق 8 ون ڈے اور 37 ٹی ٹوئنٹی میچز میں پاکستان کی نمائندگی کرنے والی ایمن انور نے جنوری میں اپنا انڈکشن کورس کامیابی سے مکمل کیا تھا، جس کے بعد وہ اب میچ ریفری کے طور پر اپنے نئے کیریئر کا آغاز کر چکی ہیں۔ انہوں نے کراچی میں جاری ’نیشنل ویمنز انڈر 19 ٹورنامنٹ‘ کے دوران بطورویمن کرکٹ ریفری اپنا ڈیبیو بھی کر لیا ہے۔