پریزیڈنٹ ٹرافی: پشاور اور ایبٹ آباد میں شیڈول میچز لاہور، شیخوپورہ منتقل

پاکستان کرکٹ بورڈ (پی سی بی) نے خیبر پختونخوا میں حکومت کی جانب سے ایمرجنسی کے نفاذ اور گورنر راج کے اعلان کے بعد سیکیورٹی اور انتظامی صورتحال کے پیش نظر پریزیڈنٹ ٹرافی گریڈ ون فرسٹ کلاس ٹورنامنٹ کے پشاور اور ایبٹ آباد میں ہونے والے میچز دوسرے شہروں میں منتقل کر دیے ہیں۔ کرک انفو کی رپورٹ کے مطابق اسلام آباد اور راولپنڈی کے میچز طے شدہ شیڈول کے مطابق پیر سے جاری رہیں گے۔ منتقل کیے گئے میچز کے تحت پشاور کے عمران خان اسٹیڈیم میں غنی اور حیدرآباد کنگز مین اکیڈمی کا میچ 14 اکتوبر سے شیخوپورہ کی رانا نوید اکیڈمی منتقل کر دیا گیا ہے، جبکہ ایبٹ آباد میں سوئی ناردرن اور او جی ڈی سی ایل کا مقابلہ اب لاہور کے ایل سی سی اے گراؤنڈ میں کھیلا جائے گا۔ آخری راؤنڈ کے میچز 19 اکتوبر سے شروع ہوں گے جبکہ پوائنٹس ٹیبل پر اسٹیٹ بینک 84 پوائنٹس کے ساتھ سرفہرست ہے۔