پاکستان اور ورلڈ بینک کا سرمایہ کاری، روزگار کیلئے تعاون بڑھانے پر اتفاق

وفاقی وزیر اقتصادی امور احد چیمہ نے ورلڈ بینک گروپ کے صدر اجے بنگا سے ملاقات کی جس میں پاکستان کے معاشی استحکام کو پائیدار و سرمایہ کاری پر مبنی ترقی میں بدلنے کے امور پر تفصیلی گفتگو ہوئی۔ احد چیمہ نے ورلڈ بینک کی جانب سے منصوبوں کی تیاری کا دورانیہ 19 ماہ سے کم کر کے 9 ماہ کرنے کا خیرمقدم کیا اور بتایا کہ حکومت 2028ء تک چھوٹے اور درمیانے درجے کے کاروباروں (SMEs) کے لیے مالی معاونت دوگنی کرنے پر کام کر رہی ہے۔ ملاقات میں مصنوعی ذہانت (AI)، ایم ایل ون (ML-1)، معدنیات، صحت اور توانائی میں نجی سرمایہ کاری کو متحرک کرنے پر اتفاق کیا گیا، جبکہ خودمختار دولت فنڈ (Sovereign Wealth Fund) کے امکانات کا بھی جائزہ لیا گیا۔ صدر ورلڈ بینک اجے بنگا نے پاکستان کی اقتصادی اصلاحات، روزگار کی فراہمی اور نجی شعبے کی ترقی میں مسلسل تعاون کا اعادہ کیا۔