چیف جسٹس یحییٰ آفریدی کو لندن میں آنریری بینچر کا اعزاز دے دیا گیا

چیف جسٹس آف پاکستان یحییٰ آفریدی کو برطانیہ کے سرکاری دورے کے دوران لندن میں مشہور قانون ساز ادارے اِنر ٹیمپل (Inner Temple) کی جانب سے ‘آنریری بینچر’ (Honorary Bencher) کے باوقار اعزاز سے نوازا گیا ہے۔

سپریم کورٹ آف پاکستان کی جانب سے جاری کردہ باضابطہ اعلامیے کے مطابق چیف جسٹس یحییٰ آفریدی نے لندن میں منعقدہ ‘بینچرز نائٹ’ کی پروقار تقریب میں شرکت کی، جہاں ان کا بطور اعزازی بینچر شاندار استقبال کیا گیا۔ اس موقع پر پاکستان اور برطانیہ کے اعلیٰ عدالتی و قانونی اداروں کے مابین باہمی تعاون، عدالتی استعداد کار میں اضافے اور کیس مینجمنٹ کے نظام کو جدید بنانے سے متعلق تفصیلی گفتگو کی گئی۔

اعلامیے کے مطابق تقریب کے دوران دونوں ممالک میں عدالتی فیصلے تحریر کرنے کے معیار کو بہتر بنانے، قانونی اخلاقیات کی پاسداری اور وکلاء و ججز کی پیشہ ورانہ تربیت کو مزید فعال بنانے پر بھی اہم تبادلہ خیال کیا گیا